Pretendonte se konduktori i mori më shumë para për biletë, kinezja sulmon shoferin e autobusit – tenton t’ia kap timonin (Video)

  • November 16, 2018 23:00
  • Lajme

Një pasagjere brenda një autobusi në Pekin, është arrestuar pasi ishte munduar të sulmojë shoferin dhe t’i kapë timonin na dora.

Gruaja pretendonte se konduktori ia kishte faturuar dyfish biletën, dhe si rezultat i pakënaqësisë së saj kishte reaguar ashpër, transmeton Telegrafi.

Ajo gjithashtu është filmuar nga kamera e sigurisë brenda autobusit duke e përplasur pajisjen për fikjen e zjarrit, dhe vazhdimisht bërtiste “të vdesim së bashku”.

Incidenti ka ndodhur tri javë pas një rrahje që kishte ndodhur mes pasagjerit dhe shoferit të autobusit në një vend tjetër në Kinë, ku si rezultat i përplasjes autobusi ka rënë nga ura e lartë, duke shkaktuar 13 viktima.

Gruaja që sulmoi shoferin e autobusit është identifikuar si Sun, 34-vjeçe. Sipas raportit të policisë, ajo kishte filluar sulmin derisa po bëhej gati të zbriste nga autobusi në Fengbo. /Telegrafi/

Loading...